Адкрыццё фестывалю "Каласы пад сярпом Тваім" адбудзецца 30 студзеня 2016 ў Мінску. Запрашаем музычныя калектывы і выканаўцаў-салістаў прыняць удзел у святочным мерапрыемстве, прысвечаным адкрыццю Фестываля.

У суботу 26 снежня у нас адбылося святочнае мерапрыемства для дзяцей - тэатральная пастаноўка, гульні, пачастунак, калядныя падарункі

У нядзелю 27 снежня запрашаем на святкаванне Раства для дарослых. Святкаванне адбудзецца ў царкве Ўзнясення (Чайкоўскага 39) перад вячэрнім багаслужэннем. У праграме – святочныя спевы, гісторыя, сумесная вячэра (можна прыносіць свой пачастунак). Таксама будзе свабодны мікрафон - кожны, у каго ёсць спеў, верш ці сведчанне ў славу Збавіцеля, можа прыняць удзел у праграме.

Святкаванне Раства для дзяцей адбудзецца 26 снежня 2015 па адрасе:
Мінск, Чайкоўскага 39.

Пачатак у 14.00.

У праграме – святочныя спевы і гісторыі, гульні, ёлка, карагод, прызы і падарункі. Пасля заканчэння, як звычайна, салодкі стол (можна прыносіць свае пачастункі).

Святочны канцэрт «Каласы пад сярпом Тваім» адбудзецца ў зале Рыгора Шырмы Бел-Дзярж-Філармоніі (пл. Якуба Коласа). Пачатак — у 19.00.

Просім вас прыходзіць трохі раней. Для чаго? Па-першае, каб да пачатку канцэртнай праграмы пазнаёміцца з выставай творчых работ фіналістаў конкурсу ў намінацыі «Выяўленчае мастацтва».

Таксама для дзяцей будзе арганізавана дзіцячая праграма «Альтанка» з Феяй Усмешкай, якую вы добра ведаеце, калі былі раней на нашых мерапрыемствах. Пачатак «Альтанкі» - у 18.30, за 30 хвілін да афіцыйнай часткі.