Ужо замецены сляды.
Мяне забілі. Расстралялі.
Ім — што стары, што малады:
У сэрцах — ані кроплі жалю…

Адзін бязлітасны разлік.
Адно жаданне: каб маўчалі…
Патух вачэй маўклівы крык.
Мяне забілі. Расстралялі.

Не напішу радзіне ліст,
Дзе ключ да чорнага сакрэту…
Пачуйце ж: я не тэрарыст!
А тэрарыст жывы й дагэтуль!

Так, разумеў: не прыйдзе цуд…
Адно зазначу, людажэры:
Не вы мой суд, а я ваш суд.
Суд праўдай найвышэйшай меры…

Рыгор Шэрда

Сёння трох нашых таварышаў у горадзе суправаджаў хвост. А пасля таго, як яны разыйшліся ў розныя бакі, іх паасобку затрымалі «для выяснения личности». На гэты раз абыйшлося без рэпрэсій, але…

Як правіла, кожны партыйны функцыянер мае персанальнага адваката. У шараговых сяброў такой магчымасці няма. Таму Нацыянальнай Радай 8 мая 2010 было прынятае рашэнне: Управе і Сустаршыням вырашыць пытанне з юрыдычнай абаронай удзельнікаў. Прайшло два гады – пытанне так і не пачало вырашацца.

Што будзем рабіць?