Першага чэрвеня — у міжнародны дзень дзіцяці - ў кавярні «Spółdzielnia» (Кааператыў) адзначалі ўрачыстасць са сваімі маленькімі, і не вельмі, дзецьмі «Актыўныя бацькі» - польскі фонд развіцця бацькоўскай актыўнасці на абшары выхавання дзяцей.

• Найлепшы падарунак для дзіцёнка — сумесная гульня, прысвечаны час і увага.
• Дарагія цацкі прыносяць радасць толькі на хвіліну.

Гэта - галоўныя лозунгі «Актыўных бацькоў».

У сваё "прафесійнае свята" дзеці змаглі актыўна пагуляць у дзіцячым кутку, які займае ў кавярні адну трэцюю ўсёй плошчы памяшкання. Акрамя звычайных гульняў дзеці змаглі паўдзельнічаць ў майстэрні, дзе іх навучылі граць на ударных, трэскучых, стукальных, шарпальных і іншых інструментах.

Да святкавання і стварэння святочнага настрою даклала сваю лепту і МГА «Добрая воля», якая зладзіла дзецям святочны выступ беларуска-польскага гурта «Мятліца». «Мятліца» выконвае творы ў стылі экперыментальны фальклор, і спецыяльна для дзяцей зайграла дзіцячую праграму «Лясныя чалавечкі».

===
Пресслужба Добрай волі