Пасланне да Даніла

Вітаю цябе, дарагі брат!

Вельмі мяне засмуціла, што мы ўжо амаль як і не браты. Шкада, што паўстае паміж намі падзел на анархістаў і сапраўдных вернікаў, я-та думаў, прымаць трэба без увагі на асобы; але, як бы там не было, я рады хаця б таму, што магу цябе бачыць і рабіць адну справу  разам з табою — спадзяюся, мы ня доўга яшчэ будзем, як лебедзь, рак і шчука цягнуць у розныя бакі нашую цялегу.

Раздзел 1

1.Я быў абвінавачаны, як дыктатар, і мне паставілі ў віну тое, што я — у нашай НЕтаталітарнай секце(падкрэслена нетаталітарнай, а не секце) — спрабую замяніць адну дыктатуру — другой, маёй значыць.

2.І тут у мяне закралася падазрэнне, што ў людзей слова «дыктатура» можа прымаць толькі адмоўнае адлюстраванне і адмоўны сэнс. 3. Яны самі не заўважаюць свайго жыцця на скрыжаванні мноства дыктатур:

4. 1)выхаванне бацькоў:

Хтосьці можа сказаць, што гэта не павінны быць дыктатурай і часта не дыктатура; 5. але дазволю сабе заўважыць, што гэта не проста дыктатура, а таталітарная дыктатура: 6. дзеці, якія яшчэ не могуць перавярнуцца, пічкаюцца бацькавай рукой, якая працягвае ім ежу, і атачаюцца іхнім клопатам — у дзіця ні кроплі свабоды няма, няма выбару;

7. 2)школа;

    3) універсітэт/праца

З момантам нашага дараслення мы атрымліваем нейкія свабоды, але дадзены нам выбар не вялікі — 8. мы амаль не можам уплываць на выбар настаўнікаў у школе і ўніверсітэце; 9. мы не маем права выбару таго, што вывучаем, альбо маем гэты выбар у абмежаваных рамах(дыктатура можа быць срогай і ня вельмі); 10. на працы мы падпісваем кантракт і ўжо не можам яго парушаць(кантракт - вусны ці пісьмовы, аль невымаўлены - ДЫКТУЕ нам, як мы павінны паводзіць сябе на працы), 11. калі хацім без турботаў працягваць нашую работу.

12.Існуе вельмі шмат іншых дыктатур: маральныя дыктаруры, дыктатура прыроды(прыродных умоваў), дыктатура часу і інш. 13. Мы амаль не ў сілах супрацьстаяць напору дадзеных дыктатур — яны не даюць свабоды. 14. І мне здаецца, няма нічога дрэннага ў тым, што ні адна сякунда часу, для прыкладу, ні цягнецца дольш чым трэба. 15. Ёсць станоўчыя дыктатуры, а ёсць тыя, што перашкаджаюць жыць: адным людзям дапамагаюць, другім — перашкаджаюць.

Дыктатура - гэта форма, а не змест.

Раздзел 2

1. А для чаго патрэбная ў такім выпадку дыктатура, чаму чалавек абвязаў сябе і закуў ў мноства дыктатур? 2. Усё проста, так лягчэй існаванне сваё пераносіцца — 3.можна жыць і не думаць: «А якая зараз гадзіна, можа ўжо пара даць дзіцю паесці, каб з голаду не памерла?» 4. Тут - на дапамогу дыктатура часу на гадзінніку: 14.00. Значыць пара. 5. І ацэньваць тут нічога не трэба. Раз 14.00 — значыць час.

6. Пры дыктатуры чалавечай таксама свая палёгка прысутнічае: 7. дыктатар сказаў - выканалі, і думаць не трэба, якім чынам і што рабіць - аб усім дыктатар павінны клапаціцца 8. і, калі што не так, ён за усё і адказвай, а пралетарый ні за што не ў адказе, - звычайнае мысленне несвядомага пралетарыята. 9. Але тут палка на двух канцах - дыктатар можа дыктаваць і тое, што людзям не вельмі падабаецца, 10. але паколькі яны самі думаць не збіраюцца, ім не прыходзіцца выбіраць - 11. альтэрнатывы  яны сабе не выдумалі, а другога дыктатара(аўтарытэта) няма, які б за іх гэтую альтэрнатыву выдумаў. 12. Аднак вось я з'явіўся. 13. І нічога дзіўнага, што ўзнікла мешаніна: якога ж дыктатара слухацца? 14. Аднак гэтага я і дамагаюся, каб людзі пачалі ўрэшце выбіраць свядома, 15. каб убачылі, што існуе не адзін дыктатар, а кожны чалавек можа ім быць - аўтарытэтам. 16. "Не ўсялякаму духу верце, але выпрабоўвайце, ці ад Бога яны", ці не так вучыць нас пісанне? 17. Мы самі ў адказе за тое, што выбіраем 18.і пазней ужо не скажаш, што гэта Божанька вінаваты, таму што дапусціў такое ў маё жыццё. 19. Ты выбіраў, сам і адказвай! 20. А на Бога няма тут чаго бочкі гнаць!

Раздзел 3

1. Асноўнае абвінавачанне ў тым, што я выстаўляю сябе на паказ і хачу, каб людзі падпарадкоўваліся мне бездакорна. 2. А ці ёсць розніца паміж дыктатурай капітала і дыктатурай кучкі хамла? - 3. Ёсць, але вынік іхны аднолькавы: і пры першых, і пры другіх людзі бяднеюць. 4. Ці ж ёсць тады розніца, што першую дыктатуру ажыцяўляе цэлы клас грамадства, які складае 60% насельніцтва ці гэта адзін чалавек з палітбюро памагатых? 5. Ёсць розніца!? - Аніякай - для тых, хто знаходзіцца па-за кіруючым колам!!! 6. І пры тых, і пры другіх людзі з па-за класа кіраўнікоў галадаюць і падыхаюць з голаду. 7. Да чаго тады спрэчка, якая дыктатура лепей для пралетарыя!? — і тая, і другая — аднолькавыя! 8. Няма ніякай розніцы, кольці чалавек ажыцяўляе дыктатуру над прыгнечанымі, заціскаючы ў кайданы эканамічнага рабства. 9. Так што, Вашыя абвінавачанні ў дыктатуры адзінкі для людзей прыгнечаных грахамі — не маюць аніякай розніцы. 10. Ім важней жыць у свабодзе. 11. А па чыім загадзе і пад чыёй палкай — гэта іх мала ўжо цікавіць. 12. Галоўнае ім выпутацца з ярма грэху, з-пад яго дыктатуры, тады яны любую дыктатуру з радасцю прымаць будуць.

Раздзел 4

1. Дык вось, мяне абвінавацілі ў тым, што я хачу заманіць людзей і замяніць адну непатрэбную дыктатуру — на другую непатрэбную. 2. І чаму ж? - Таму што яшчэ не бачна, да чаго яна можа прывезці.

3. Можа паспрабуем пажыць пры +20, а тады ўжо й будзем гаманіць,

4.што лепей: дыктатура прыроды пры мінус дваццаць ці дыктатура пры плюсавым паказчыку?

5. Можа пры -20 трэба проста ў шапцы і кажуху хадзіць, а не думаць, што там жыць немагчыма?

6. Усялякае вучэнне аб абагравальніку ў кожным закутку - утопія чыстай вады, 7. трэба адкінуць яго. 8. Час вярнуцца да цёплых шапак і футра(штучнага), 9. а не чакаць Царства Божага і глабальнага пацяплення пасля смерці, калі тэмпература падымецца да +20.

10. Тэмпература +20 пасля смерці ніяк не паўплывае на нашае мёртвае цела!