Блог пользователя - Young_mother

Правы чалавека пры родах

Мы працягваем дзяліцца з табой карыснымі рэсурсамі.
Гэтым разам хочам расказаць пра беларускі праект
«Радзіны», які імкнецца інфармаваць жанчын аб іх правах падчас цяжарнасці і родаў.
На старонках іх сайту ты знойдзеш пералік правоў, якімі ты валодаеш пры родах. Па-мне, напісана зразумела і даступна, праўда палохае шмат тэксту. Але павер, гэта варта прачытаць.

«Прасіць аб дапамозе ня сорамна»

 

Зусім нечакана даведалася аб беларускім праекце «Жанчыны разам» («Женщины вместе»).
Ён можа дапамагчы маладым мамам адразу ў некалькіх сферах:
- прыгатаваць і прывезці дамашняй ежы;
- прыбрацца ў хаце;
- давезьці ў паліклініку;
- пагуляць з сабакам;
- правесці псіхалагічную анлайн кансультацыю;
- дапамагчы з наладжваннем груднога кармлення па тэлефоне;
- дапамагчы са старэйшымі дзецьмі (раптам табе гэта актуальна);
- пераставіць мэблю.

Набіраемся ведаў або Што пачытаць

У свой час, калі я зацяжарыла, мае веды пра дзяцей і роды былі на ўзроўні «ходзіш з вялікім жыватом, а потым з яго вылазіць дзіцё з двума нагамі і рукамі». Тады на прасторах інтэрнэту я знайшла артыкул з круцейшай падборкай кніжак. Хай прабачаць мяне аўтары, але я хачу падзяліцца ім з табой.

Бот-гінеколаг адкажа на няёмкія пытанні

Калі саромеешся спытаць у мамы…

Бот Ева адкажа на інтымныя пытанні і раскажа як уладкаваны твой арганізм. Можа распавесці аб цячэнні цяжарнасці, кантрацэпцыі, менструацыях, сэксе, хваробах і інш, бяз міфаў і павучэнняў.

Важна пачаць размаўляць

 

Спярша разбярэмся з патэнцыйным непаразуменнем ...

Наш блог не займаецца выхаваннем падлеткаў і не прапагандуе цяжарнасць. Блог не заахвочвае нікога нараджаць дзяцей, калі яны да гэтага не гатовыя.

Блог быў створаны для непаўнагадовых маці, каб падтрымаць іх  і не пакідаць сам на сам са сваімі праблемамі. Для многіх маладых дзяўчат цяжарнасць, у першую чаргу, сітуацыя, з якой яны сусткаюцца ўпершыню і не ведаюць, што рабіць. Мы ствараем месца ў віртуальнай прасторы, якое не будзе даваць ацэнку іх жыццю, тут мы змяшчаем рэкамендацыі, якія былі б карысныя маладым мамам.

Страницы